Vazhdojnë mashtrimet me anë të “Call Center”-ave, por kësaj radhe mashtrimi nuk është me anë të telefonatave të të punësuarve nëpër kompanitë mashtruese, por është i drejtpërdrejtë.
Prokuroria e Tiranës ditën e sotme ka kërkuar masën arrestit me burg për Qerim Krasniqin i cili dyshohet për veprën penale të mashtrimit. Vitin e kaluar ai është njohur me Marjana C, pronare e një hoteli të vogël ku kishte qëndruar si klient. Me atë ka krijuar një marrëdhënie të ngushtë dhe i ka kërkuar para borxh.
Gruaja i ka dhënë fillimisht 50 mijë euro, pastaj 20 , derisa sipas saj në total gjithsej ishte shuma prej 135 eurosh.
Gjithashtu, Marjana shprehet se paratë i ka pasur në bankë pasi kishte shitur një shtëpi. Ajo i ka kërkuar paratë, por ai nxirrte justifikime nga më të ndryshmet, jam me Covid, jam me oskigjeno- terapi, mi ka bllokuar banka.
Bëhet me dije se në shtator të vitit 2021 Qerimi ka ndërprerë kontaktet me të. Atëherë ajo ka bërë denoncim, dhe pas shumë përpjekjesh i ka rivënë kontaktet ne përpjekje për të marrë paratë mbrapsh.
Nga ana tjetër në janar të këtij viti ai s’ka pasur më asnjë lidhje apo komunikim me gruan. Prokuroria e ka shpallur në kërkim dhe ai është ndaluar teksa u paraqit në kufi.
Para hetuesve Qerimi ka thënë që Marjanës i ka marre shumën prej 80 mijë euros të cilën e ka investuar në kriptomonedha, por e ka humbur.
Ai flet për një shtetas nga Maqedonia e Veriut, por tregon vetëm emrin, jo të dhëna që të mund te identifikohet. Sakaq në orën 10:00, 30-vjeçari del para gjykatës për masë sigurie.
“Specialistët e Seksionit për Hetimin e Krimit Ekonomik dhe Financiar në DVP Tiranë, në bashkëpunim me Prokurorinë pranë Gjykatës së Shkallës së Parë Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, nisur prej vitit 2021, organizuan dhe finalizuan me sukses operacionin policor të koduar “Mysafiri”. Në kuadër të këtij operacioni u bë ndalimi me iniciativë i shtetasit Krasniqi 30 vjeç, banues në Kamenicë, Kosovë, për veprën penale “Mashtrimi”. Ky shtetas dyshohet se nëpërmjet mashtrimit dhe shpërdorimit të besimit, ka përfituar shumën 135000 euro nga një shtetase, me pretendimin se do t’i investonte në Call Center.”
Discussion about this post