Kina ka arritur që të zbarkojë me sukses një anije kozmike në Mars. Media shtetërore njoftoi se roboti me gjashtë rrota, i quajtur “Zhurong” ishte vendosur në hemisferën veriore të planetit Mars.
Roboti përdori një kombinim të një kapsule mbrojtëse, një parashute dhe një platforme rakete për të bërë zbritjen. Ulja në Mars është një arritje e jashtëzakonshme, duke pasur parasysh natyrën e vështirë të planetit.
Deri më tani vetëm amerikanët e kanë mundur që të ulen në planetin e sistemit diellor, pasi të gjitha vendet e tjera që kanë provuar ose kanë humbur robotin gjatë rrugës, ose nuk kanë mundur që ta komandojnë dot më nga Toka.
Zhurong, që do të thotë Zoti i Zjarrit, ka për “detyrë” që për 90 ditë (1 ditë=24 orë e 39 minuta) marsiane të studiojë gjeologjinë lokale.
