Fëmija më i vogël i Nick Cannon ndërroi jetë të dielën pasi humbi luftën me tumorin në tru. Lajmin e hidhur e ka bërë me dije vet moderatori, i cili mes lotësh ka zbuluar detaje për këtë ngjarje tragjike. Prezantuesi 41-vjeçar njoftoi me lot në sy vdekjen e djalit të tij 5-muajsh në “The Nick Cannon Show”, duke ia kushtuar episodin e së martës “djalit të tij të bukur Zen”.
“Gjatë fundjavës humba djalin tim më të vogël nga një gjendje e quajtur hidrocefalus, e cila ishte pothuajse një tumor malinj, invaziv i linjës së mesme të trurit, kanceri i trurit”, tha Cannon.
Cannon tha se djali i tij ishte rreth 2 muajsh kur vuri re se i porsalinduri kishte disa probleme me frymëmarrjen, të cilat fillimisht ia atribuoi sinuseve të të porsalindurit. Mjekët i thanë se Zen kishte një strukturë lëngu në kokën e tij dhe fëmija u diagnostikua përfundimisht me një tumor malinj të trurit. Hidrocefalusi është “akumulimi i lëngjeve në zgavrat (barkushet) thellë brenda. Lëngu i tepërt ushtron presion mbi trurin dhe mund të dëmtojë indet e trurit dhe të shkaktojë një sërë problemesh të funksionit të trurit.
“Nuk e dija se si do bëja sot, por thjesht doja të pikëllohesha me familjen time,” tha Cannon.”U luta për mrekullinë e forcës së Zotit dhe kjo është arsyeja pse jam këtu me ju sot”, i tha audiencës në studio.
Discussion about this post