Një kamion i tonazhit të rëndë është përmbysur në aksin rrugor Kavajë-Durrës, duke bllokuar trafikun për gati një orë.
Sipas njoftimit të policisë, nuk ka probleme në njerëz, por vetëm me dëme materiale dhe për pasojë është bllokuar lëvizja e automjeteve.
Mësohet se shkak për aksidentin është bërë fakti që kamionit i ka plasur njëra nga gomat. Nga fakti se trajleri është i tonazhit të rëndë dhe për ta lëvizur nga rruga duhet kohë, Policia e Shtetit u bën thirrje të gjithë drejtuesve të automjeteve që duan të qarkullojnë në drejtim të Tiranës, të përdorin rrugën Rrogozhinë –Elbasan-Tiranë ose rrugë dytësore alternative.
Policia ndodhet në vendin e ngjarjes dhe po punojnë intensivisht për zhbllokimin e rrugës.
