Erion Veliaj ka nisur takimet në kuadër të zgjedhjeve të pjesshme lokale, ku ka zhvilluar dhe një takim në Vorë.
Pavarësisht se socialisti u kujdes që në fotot e postuara të fshihte diçka, u panë se krah tij ishin Agim Kajmaku dhe Orlando Rakipi.
Duket se Veliaj ka ende nevojë për ndihmën e Kajmakut, i cili u shkarkua për shkak të dekriminalizimit. Ai nuk kishte deklaruar të shkuarën kriminale në Greqi.
Po ashtu i pranishëm në takim ishte dhe Orlando Rakipi i cili gjithashtu humbi mandatin e tij për “Dekriminalizim”.
Në rrjetet sociale të administruara nga Bashkia e Tiranës, Agim Kajmaku, i dënuar edhe për “falsifikim formularësh”, shfaqet gjithnjë “i fshehur”.
Militantë të Partisë Socialiste, të lumtur nga prania e këtyre 3 personazheve shkrepën disa foto, por në to dalloheshin qartë dhe Kajmaku e Rakipi.
Kujtojmë se fushata kundër Kajmakut nisi nga brenda Partisë Socialiste, e sidomos nga ish-komisarja politike e qeverisë për zonën e Vorës, Belinda Balluku.
Pavarësisht këtij fakti, duket se Veliaj nuk e ka menduar aspak dhe e ka ftuar atë ta shoqërojë gjatë takimit.
Discussion about this post