Zlatan Ibrahimovic është i njohur për provokimet e tifozëve kundërshtarë në shumicën e rasteve kur shënon. Ky episod është përsëritur edhe në takimin e Milan me Romën të dielën në mbrëmje.
Suedezi shënoi ndaj ‘Verdhekuqve’ dhe më pas u kthye nga tribuna Tiber, për të vazhduar drejt Curva Sud duke bërë gjeste që nga mbështetësit e vendasve u cilësuan si provokuese.
Në ‘Olimpico’ u dëgjuan më pas fërshëllima, ofendime dhe më pas thirrja: “Ibrahimovic ti je cigan”. Këto thirrje janë pritur nga 40-vjeçari pa asnjë lloj reagimi, duke vazhduar i qetë ndeshjen.
Në këtë takim Ibra regjistroi golin e tij të 400 në të gjitha skuadrat dhe të 150 në Seria A, duke i shkaktuar ekipit të Mourinhos humbjen në shtëpi.
Sulmuesi nuk di të ndalë dhe rikthimi pas dëmtimit ka rezultuar pozitiv për suedezin, të cilit duket se nuk i ka ndikuar aspak mungesa disa mujore nga fusha e blertë./K.T/Gijotina.com
