I publikojnë foton në shtrat dy javë para dasmës, ish-sulmuesi i Anglisë në telashe

Ish-lojtari i Liverpoolit dhe i kombëtares angleze, Andy Carroll është bërë protagonist dhe viral me një veprim të tijin.

Lajmi është publikuar në fillim nga “The Sun”, ku duket qartë 33-vjeçari i shtrirë në shtrat bashkë me një femër tjetër, e cila nuk është bashkëshortja e tij.

Carroll shfaqet në gjumë, ndërsa vajza tjetër ka shkrepur një selfie me të. Situata ishte e sikletshme, pasi Carroll thuhej se pas dy javësh kishte ditën e dasmës.

Vajza në foto quhet Taylor Jane Wilkey dhe është shprehur se asgjë nuk është ashtu siç duket, pasi ka qenë vetëm një shaka.

“Foton e bëmë për shaka. Nuk fjeta me të, isha bashkë me një shoqen time në dhomën e tij.

Vumë muzikë dhe atë e zuri gjumi direkt pasi ishte i lodhur. Foton e bëra për shaka, nuk ndodhi asgjë seksuale”, ka thënë Taylor.