Një person ka tentuar të vjedhë një dyqan celularësh nën kërcënimin e thikës. Ngjarja ka ndodhur pak çaste më parë në qytetin e Sarandës, në afërsi të 15-katëshit.
Autori, i cili dyshohet të jetë në moshë të re ka hasur rezistencës e pronarit të biznesit në fjalë.
Pronari është përleshur me agresorin, ku ky i fundit më pas është larguar me shpejtësi. Policia u njoftua në lidhje me rastin, teksa njoftohet se janë vënë në ndjekje të autorit.
Duke përfituar nga shpejtësia ai është larguar menjëherë.
Nga informacionet paraprake, po këqyren kamerat e sigurisë dhe po mblidhen provat materiale. Gjithashtu po punohet për identifikimin e të riut.
