I shiti italianit dozat e kokainës që e çuan drejt vdekjes/ 27-vjeçari përballet me akuzën e vrasjes

Një 27 vjeçar po përballet me akuzën e vrasjes së një 35-vjeçari italian pasi i kishte shitur disa doza kokaine të cilat rezultuan fatale për të.

Ngjarja ka ndodhur në datën 24 shtator të vitit 2020 kur viktima, i cili ishte pronar i një lokali të njohur është gjetur i pajetë në garazhin e shtëpisë së tij. Ishte nëna dhe gruaja e tij të cilat zbuluan trupin e 35-vjeçarit.

Asokohe ashtu siç rezultoi dhe nga hetimet italiani i kishte shqetësuar të afërmit e tij duke mos dhënë asnjë shenjë se ku ndodhej që prej mesditës së 24 shtatorit. Pasi hetuesit mbërritën në vendngjarje ata konstatuan se viktima kishte përdorur lëndë narkotike.

Gjithashtu, analizat treguan se italiani 35 vjeçar, babai i dy vajzave kishte marrë kokainë.

Së fundmi, pas hetimeve të shumta u gjet se ai që i kishte shitur drogën italianit ishte një 27 vjeçar i cili tani akuzohet për akuzën e dhënies së kokainës me pasojë vdekjen e italianit. Gjithashtu, ai akuzohet edhe për drogë dhe armëmbajtje pa leje.