I shoqëruar nga avokati, Ilir Beqaj paraqitet në SPAK

Ish-ministri i Shëndetësisë Ilir Beqaj është paraqitur mëngjesin e sotëm që prej orën 09:00 në SPAK.

Beqaj është shoqëruar në SPAK së bashku me avokatin Ermal Yzeriraj.

Nuk ka informacion se për çfarë është thirrur Beqaj ditën e sotme, por kujtojmë se hetimi ndaj tij bëhet për çështjen e “Sterilizimit”.

Pak ditë më parë, me urdhër të SPAK u kontrollua edhe banesa e Ilir Beqajt, ku u njoftua se u morën kompytera, celularë dhe dokumenta.

Vetë Beqaj ka thënë se do të përballet me drejtësinë dhe thotë se nuk ka asnjë aferë në çështjen e “Sterilizimit”, madje ka shtuar se edhe kur ka qenë ministër, edhe tani, nuk ka pasur dhe nuk ka asnjë interes ekonomik apo financiar nga kompanitë farmaceutike.