Edmond Nika, 29 vjeç, është dorëzuar në Policinë e Shtetit, ndërsa ishte shpallur në kërkim lidhur me ngjarjen e ndodhur mbrëmjen e djeshme në Dukagjin, ku mbeti i vrarë Zef Gjini 73 vjeç dhe u plagos djali i tij, Gjin Guri 43 vjeç.
Nika ishte një nga 4 personat që dyshohet se ka marrë pjesë në krimin e rëndë, ndërkohë që në kërkim janë shpallur gjithashtu, Martin Qershija, 28 vjeç, Kujtim Dholla, 25 vjeç, dhe Çesk Serraj, 36 vjeç.
Policia po heton në dy pista: atë të një sherri të pak javëve më parë mes të plagosurit Gjin Guri dhe personave që janë shpallur në kërkim, si dhe prishtjen e pazareve të drogës.
Gjin Guri, sipas raportimeve, mori 4 plumba dhe ndodhet në spitalin e Traumës në Tiranë, ndërsa babai i tij, humbi jetën në vendin e ngjarjes.
Discussion about this post