Një shqiptar i shpallur në kërkim si pjesë e një hetimi të Agjencisë Kombëtare të Krimit është dorëzuar vetë në polici. Agjencia Kombëtare e Krimit njofton se bëhet fjalë për 29-vjeçarin Jeton Memia.
Katër burra të tjerë u arrestuan në kuadër të hetimeve për një grup kriminal të dyshuar për përdorimin e emigrantëve shqiptarë për të kultivuar kanabis.
Memia u dorëzua dhe u mor në pyetje nën dyshimin për komplot për prodhimin dhe furnizimin me drogë dhe pastrim parash.
Në një seri arrestimesh dy javë më parë në Uellsin e Veriut dhe Cheshire, katër burra të tjerë u arrestuan nën dyshimin për vepra penale të kultivimit të drogës dhe pastrimit të parave. Një burrë rreth të 50-tave u lirua me kusht, ndërsa dy burra rreth të 60-tave po hetohen në gjendje të lirë.
Discussion about this post