Një 28-vjeçar është vënë në pranga në pikën e kalimit kufitar të Kakavijës, pasi rezultonte i dënuar me 3 vjet e 6 muaj burgim, për veprën penale “Plagosja e rëndë me dashje”.
I arrestuari është Enea Arapi, i cili më datë 15.03.2018 gjatë një konflikti të çastit ka goditur me kaçavidë një person.
“Si rezultat i verifikimit të shtetasve në hyrje/dalje dhe shkëmbimit të informacioneve me DVP Korçë, Policia Kufitare në hyrje të RSH-së, kapi shtetasin e shpallur në kërkim: Enea Arapi, 28 vjeç, banues në fshatin Rrëmbec, Maliq. Gjykata e Korçës e ka dënuar këtë shtetas, me 3 vjet e 6 muaj burgim, për veprën penale ‘Plagosja e rëndë me dashje’, njofton policia.
Veprimet e tjera procedurale për këtë shtetas do të kryhen nga DVP Korçë.
Discussion about this post