Një 49-vjeçar i identifikuar si Festim Merko ka prerë këmbën ditën e sotme, teksa punonte tokën e tij. Ngjarja e rëndë ka ndodhur në fshatin Goraj në qytetin e Kuçovës, ku 49-vjeçarit nga pakujdesia i është shkëputur freza nga dora duke i prerë këmbën.
Familjarët e kanë dërguar në spital, pasi kanë konstatuar incidentin e ndodhur, ndërsa mjekët e Spitalit Rajonal të Beratit po i japin ndihmën mjekësore. Sipas burimeve 49-vjeçari ka prerje të thella në këmbë dhe ka humbur shumë gjak nga plagët e marra. Megjithatë ai raportohet se është jashtë rrezikut për jetën, ndërsa në vendngjarje ka mbërritur policia për të hetuar nëse ngjarja është aksidentale.
Discussion about this post