Një 33-vjeçar, i shpallur në kërkim ndërkombëtar ka rënë në pranga, me qëllim ekstradimin e tij drejt Kosovës. Mësohet se i riu me inicialet A. F., 33 vjeç, banues në Kavajë, akuzohet për veprat penale “Mashtrimi“ i kryer në bashkëpunim, “Pjesëmarrje në grup të organizuar kriminal me qellim mashtrimin“ dhe “Pastrimi i parave”.
“Falë bashkëpunimit mes Policisë së Kavajës dhe Policisë së Durrësit si dhe shkëmbimit në kohë reale mes Interpol Tirana, Fast Kosova dhe Fast Albania, kapet dhe vihet në pranga një tjetër person në kërkim ndërkombëtar”, thuhet në njoftimin për shtyp nga policia.
Pritet që i riu të përballet me këto akuza pasi të jetë ekstraduar në Kosovë, ku edhe do të vuajë dënimin me burg.
