Sistemi i Drejtësisë është në kolaps, pasi përveç mungesa të stafeve në gjykata e prokuroi të rretheve, GJKKO “vuan” për kandidatë.
Gjykatës se Posaçme kundër Krimit e Korrupsionit, e cila u krijua për të luftuar krimin e korrupsionin, por me sa duket kjo nuk do të arrihet sepse kandidatja e vetme për 3 vendet vakante është dorëhequr. Kjo ka bërë që GJKKO të vazhdojë të mbetet me 6 anëtarë nga 16 që duhet të ketë në total.
Ndërkohë, situata rëndohet ku KLGJ raporton se, pavarësisht u shty data e aplikimeve sërish nuk ka pasur asnjë interes nga magjistratë të rinj.
“Këshilli i Lartë Gjyqësor njofton se në procedurat e rihapura për ngritjen në detyrë të gjyqtarëve në Gjykatën e Posaçme të Shkallës së Parë për Korrupsionin dhe Krimin e Organizuar, pas përfundimit të afatit të kandidimit më datë 21.07.2021, situata e kandidimeve është si më poshtë: 1. Për pozicionin lirë të shpallur me Vendimin nr. 287, datë 06.07.2021, lista e kandidatëve është: 1) Znj. Elsa Ulliri – gjyqtare e Gjykatës së Rrethit Gjyqësor Lezhë. 2. Për tre pozicionet e lira të shpallura me Vendimet nr. 286, nr. 288 dhe nr. 289, datë 06.07.2021, nuk u paraqit asnjë kandidaturë.
Në procedurat e ngritjes në detyrë në Gjykatën e Posaçme të Shkallës së Parë për Korrupsionin dhe Krimin e Organizuar, për pozicionet e lira të shpallura me Vendimet nr. 288 dhe nr. 289, datë 06.07.2021, kandidoi edhe gjyqtarja znj. Elsa Ulliri, por ajo u tërhoq nga kandidimi për këto pozicione, me kërkesën e datës 27.07.2021, pa filluar ende procedurat përkatëse në kuadër të këtyre kandidimeve. Për këtë shkak kjo gjyqtare nuk është përfshirë si kandidate për këto dy pozicione të lira”, njoftoi KLGJ.
Ndërkohë që në një vendim provizor të datës 7 KLGJ ka emëruar gjyqtaren e skemës së delegimit Flojera Davidhi për një mandat 1 vjeçar.
Për t’u bërë gjyqtar në GJKKO duhet të japësh pëlqimin për t’u kontrolluar jo vetëm gjyqtar por edhe familjarët, përfshi lidhje gjaku për vete dhe bashkëshortët. Me sa duket ky fakt i tremb shumë aplikantët dhe preferojnë të tërhiqen në momentin e fundit.
