Orges Shehi ka dalë në konferencë për mediat në prag të takimit të parë të skuadrës së tij për sezonin 2021-2022 të Kategorisë Superiore.
Të shtunën kryeqytetasit do të presin në stadiumin ‘Selman Stërmasi’ skuadrës e Skënderbeut në një takim që nuk duket të jetë aspak i lehtë.
Ndërsa ka folur për kundërshtarët, trajneri i Tiranës i ka konsideruar ata të gjithë të fortë, ndërsa ka theksuar se nga klubi Bardheblu janë larguar shumë lojtarë të mirë.
“Të gjitha skuadrat janë të forta, duhet të bëjmë maksimumin. Janë bashkuar skuadra si Dinamo që dihet historia e tyre, por edhe këtë vit është e fortë, edhe Egnatia gjithashtu. Do të jetë një kampionat me shumë rivalitet.
Ne jemi tek klubi më i titulluar në vend, objektivi është i qartë minimumi është Europa. Është riformatuar skuadra, kanë ikur shumë lojtarë cilësor që do të bënin mirë me çdo skuadër, por kemi marrë lojtarë që kanë shumë cilësi dhe koha do ta vërtetojë nëse do të jenë njësoj si ata që u larguan.”-u shpreh tekniku./Gijotina.com
