Elton Qyno
Zbardhet e plotë dëshmia e Spiro Çabirit, personit të vetëm të arrestuar nga policia e Sarandës për shkatërimin me tritol të hotel “Bizant”. Prona ndodhej buzë detit “Jon”, dhe ishte fituar me gjyq nga shtetasi Grek, Dhimitraq Evangjeliu.
Ne vendimin civil të gjykatës Sarandë, thuhet se: “…hoteli Bar-Restorant dy katësh, i kalon në pronësi hipotekore Evangjeliut, me kushtin që ky i fundit ti paguante Spiro Çabirit, një shumë prej 46 mijë euro…”.
Para gjykates
Një ditë para se të dilte para gjykatës së Sarandës për tu njohur me masën e sigurisë “arrest në burg”, dy prokurorët e dosjes Kledian Llaho dhe Alba Dhima, kanë marë në pyetje Spiro Çabirin në cilësinë e personit ndaj të cilit zhvillohen hetimet.
Çabiri, ka treguar se nuk e ka dëgjuar fare zhurmën e shpërthimit të tritolit në hotelin, ku kishte dalë përpara dy minuta se eksplozivi të shpërthente.
Deshmia
“…kur jam kthyer tek hoteli për të marrë çantën me rroba, jam habitur që e kam gjetur të shkatërruar…unë zhurmën e shpërthimit nuk e ka dëgjuar pasi ndodhesha në makinë dhe kisha xhamat mbyllur”-ka pohuar Spiro Çabiri.
Por kjo deklaratë ka habitur grupin e hetimit, të cilën kanë filluar të dyshojnë ndjeshëm mbi sinqeritetin e të arrestuarit.
Marredheniet ne familje
Në lidhje me marrëdhëniet e familjes së tij me dy bashkëpronarët e tjerë Vangjel Shtuka dhe Dhimitër Evangjeliu, Çabiri ka pohuar se nuk ka pasur asnjëherë konflikt me këta shtetas.
Mosmarrëveshjet për pronën i kanë bërë objekt gjyqësor dhe çështja civile vazhdon ende, por sipas tij konflikte fizike apo debate nuk kanë pasur.
Marrja ne pyetje
Më tej gjatë marrjes në pyetje, Spiro Çabiri ka treguar se:“…nuk dyshon te asnjë nga këta dy persona apo familjaret e tyre, se mund të kenë organizuar shkatërrimin me tritol të hotelit.
Sipas Çabirit, dikush ka dashur ti bëjë dëm atij, por jo ta vrasë pasi këtë do e kishin bërë saktësisht.
Çabiri
Çabiri i ka treguar prokurorëve se lidhur me këtë rast ai mendon se dikush ka dashur të ngrinte një kurth, duke e bërë fajtor Spiron, për diçka që se ka bërë.
“…duke ditur gjendjen shëndetësore të babit, kanë shpresuar që kështu të kishim një fatkeqësi të gjithë dhe me këtë formë të realizonin planet e tyre…”-është shprehur Spiro Çabiri.
Mengjesi
Më tej në dëshmi Spiro Çabiri ka treguar se mëngjesin e 13 shkurtit 2023, ka qënë në shtëpi me bashkëshorten e tij dhe motrën. Ka ardhur djali i tij i cili quhet S.Çabiri dhe i ka thënë se ne nuk do të udhëtonin sot për në Angli, Skoci, për arsye se ai i ka thënë se ka provimet në shkollë në Gjirokastër dhe rrezikonte të humbiste vitin.
Sipas tij, djali është larguar përsëri nga shtëpia nuk i tha se ku do të shkonte. Në shtëpinë e tij ka mbërritur Inspektori i Policisë, Bert Çulli dhe një punonjës tjetër dhe e kanë informuar në lidhje me ngjarjen e ndodhur.
Çfare ka ndodhur
Pasi ka dëgjuar cfarë ka ndodhur është ndier keq dhe ka pasur probleme shëndetsore për shkak të tensionit të lartë. Në lidhje me persona të dyshuar autorë të mundshëm, deklaron se nuk ka asnjë dijeni.
Sipas prokurorisë në orën 05:50 ka dalë nga ambjentet e hotel “Bizant” Sotir Çabiri, duke u larguar me vrap, ndërsa në 05:52 ai ka aktivizuar shpërthimin.
Pas kryerjes së këtij krimi, e gjithë familja Çabiri kishte planifikuar të largohej në Angli, pasi sipas policisë ditën e dielë ata kishin prerë biletat e udhëtimit në nje agjensi në Sarandë.
Discussion about this post