Ditën e sotme është arrestuar një person për vënie të qëllimshme të zjarrit në depozitimin e mbetjeve urbane të Bashkisë Lushnjë.
Policia e Lushnjës, pasi janë vënë në veprim, kanë arrestuar shtetasin M. Sh., 42 vjeç, banues në Lushnjë, me detyrë roje në vendin e depozitimit, pasi është si dyshuar si autori i zjarrvënies.
Materialet i kaluan Prokurorisë, për veprime të mëtejshme për veprat penale “Shpërdorim detyre” dhe “Ndotja e ajrit”.
Në Shqipëri, zjarret po përhapen me shpejtësi të madhe dhe deri tani ka pasur shumë raste ku besohet që ato të kenë qenë të qëllimshme duke krijuar kështu katastrofa jo vetëm në mjedis por edhe tek qytetarët që ndodhen pranë burimit të vatrës.
