I vuri zjarrin pyjeve në fshatin Frashtan të Dropullit, vihet në pranga autori

Policia ka identifikuar dhe arrestuar autorin e zjarrvënies në pyjet e fshatit Frashtan në Dropull.

Bëhet fjalë për Manol Kokollin, 58 vjeç, i identifikuar nga Policia e Gjirokastrës. Prej mesditës së djeshme, shërbimet e Policisë kanë mbajtur në kontroll perimetrin ku janë përhapur flakët.

Materialet procedurale i kaluan Prokurorisë, për veprime të mëtejshme, për veprën penale “Shkatërrimi me zjarr i pyjeve dhe i mjedisit pyjor”.

Nga zjarri i djeshëm, i cili u shua falë ndërhyrjes se PMNZSH u dogjën disa ha kullota dhe u rrezikuan disa banesa në Frashtan.

Drejtoria Vendore e Policisë Gjirokastër apelon për të gjithë banorët që në asnjë rast të mos shkaktojnë zjarrvënie, pasi do të përballen me ligjin. Policia fton qytetarët që të denoncojnë në numrin 112, çdo rast zjarrvënieje dhe paligjshmërie në tërësi, duke iu garantuar anonimat, reagim të shpejtë dhe të paanshëm.