I zhdukur që në tetor, identifikohet trupi i pajetë që u gjet në një kanal në Fier

Është identifikuar viktima që u gjet në një kanal në fshatin Mujalli në Fier. Bëhet fjalë për një 70-vjeçar të zhdukur një muaj më parë.

Policia e Fierit deklaron zyrtarisht se në vijim të informacionit paraprak të dhënë mbrëmjen e sotme, u bë identifikimi i personit, i cili u gjet i dekompozuar në një kanal në fshatin Mujalli.

S. P., 70 vjeç, ishte banues në lagjen “15 Tetori” Fier, për të cilin djali i tij ka bërë kallëzim në Polici në datë 28.10.2021 se i ati, i cili vuan nga sëmundja e sklerozës, është larguar nga banesa dhe nuk është kthyer më.

Gjatë këqyrjes paraprake nga eksperti mjeko-ligjor, në trupin e personit S. P. nuk janë konstatuar shenja dhune.

Materialet do i kalojnë Prokurorisë së Rrethit Gjyqësor Fier, për vlerësim.