Trajneri i Romës, Jose Mourinho i ka habitur të gjithë me deklaratat e bëra. Rikthimi i tij në Seria A, duket se ka rezultuar më i vështirë seç pritej. Roma është mundur sërish, këtë herë nga Bologna me rezultat minimal 1-0.
Pas ndeshjes portugezi ka uruar kundërshtarin për pikët e plota dhe ka përgëzuar futbollistët e tij për shpirtin luftarak.
“Urime skuadrës së Bologna, trajnerit dhe lojtarët të tij. Ata vërtetë bënë një lojë të shkëlqyer, luftuan për të marrë tre pikët në shtëpi. I përgëzoj edhe djemtë e mi, që dhanë gjithçka kundër të gjithëve, mbi të gjitha me dëmtimet që morëm dhe me disa episode kundër. Unë jam me ta”,– u shpreh ai.
Më tej Mourinho e ka këshilluar yllin e Romës, Nicolo Zaniolo që të largohet nga Serie A, pasi i dhimbset për atë që po përjeton.
“Unë flas edhe kundër vetes. Nëse do të isha në vend të Zaniolo, do filloja vërtetë të mendoja të mos luaja kaq gjatë në Serie A, pasi ndihem keq për atë që duhet të vuajë. Sa i takon situatës sime personale dhe kartonit të verdhë, nuk kam nevojë ta komentoj”-deklaroi Mourinho./K.T/Gijotina.com
Discussion about this post