Show “Big Brother Vip” u kthye në një nga emisionet më të ndjekur. I drejtuar nga moderatorja Arbana Osmani, pjesë e shtëpisë më të famshme ndryshe nga herët e tjera, ishin persona Vip të skenës shqiptare.
Dhe mesa duket “Top Channel” do vazhdojë me traditën pasi Lori Hoxha sapo e konfirmoi këtë. Ajo lajmëroi se edicioni i dytë do vijë në dhjetor përsëri, pas Kupës së Botës.
Kështu ajo konfirmoi dhe transmetimim e “Fifa World Cup 2022”, që do pushtojë ekranin gjatë nëntorit dhe dhjetorit.
Por, Lori nuk harroi të përmendë që deri atëherë programacioni ditor dhe prime do të jetë plot dhe nuk do e ndjejmë shumë mungesën.
Mesa duket Lori paska dhe surpriza të tjera që do i zbulojë së shpejti. Ajo është rikthyer fuqishëm së fundmi në ekran dhe thuhet se do vijë si producente në emisionin “Për’puthen”.
Sipas zërave Olsa Muhameti do të largohet dhe produksionin po e merr në dorë vetë Lori Hoxha. Ka shumë shanse që emisioni të ngjasojë me formatin origjinal të “Uomini e Donne”, nga ku u frymëzua fillimisht.
Të njëjtat burime zbulojnë se Lori Hoxha do të vijë si producente dhe si prezantuese në vend të Bora Zemanit do të vijë Ori Nebiaj.
Këto ndryshime duken mjaft premtuese duke shpresuar në rritje të nivelit, pasi marrim parasysh ofendimet apo zënkat mes konkurenteve apo dhe opinionistëve. Të gjitha këto dëmtuan imazhin e një emisioni plot potencial që kishte si synim dashurinë, por vetëm dashuri që nuk pamë.
Discussion about this post