Kryeministri Edi Rama ka komentuar për herë të parë vendimin e Gjykatës Kushtetuese për të mos shkarkuar Ilir Metën nga posti i Presidentit të Republikës.
Një komentues i shkruan Ramës në “Facebook” se klasa politike në Shqipëri nuk janë në konflikt, ndërsa kryeministri i përgjigjet duke thënë se ka ngatërruar adresë dhe se sharjet dhe ofendimet nuk janë argumente.
Qytetari: Ia fute Amerikës o trim. Sa ike në Amerikë GJK e shpalli vendimin si për ti thënë amerikanëve që nuk është faji im, GJK nga 7 anëtarë 6 votuan pro një ishte kundra unë naivi që mendoja se Reforma në Drejtësi po ecën. Ja fute popullit ja fute Amerikës ja fute të gjithëve. I keni ndare detyrat Meta vjedh, Sala vret Basha bën sikur bërtet kape I hajdutin , dhe ti o trim bën sikur I dënon e bën si i dashuruar me amerikanët. Bën gjoja sikur jeni dashuruar me Reformën në Drejtësi dhe fut në burg kokrrat e vogla. Dhe filmi vazhdon. Katërshja bëhet dhe më e pasur, vidh, vrit, bërtit…
Edi Rama: Sharjet, përqeshjet, përgojimet nuk janë argumente, ndërkohë që unë nuk di të bëj gjoja, s’kam ditur kurrë të bëj gjoja me punën time, sepse puna është pasioni im dhe pasion me gjoja nuk ka! Sa për vjedhjet e vrasjet me siguri ke ngatërruar adresë, po kur njeriu nuk e ka mendjen të debatojë, po të denigrojë, e ngatërron edhe adresën njësoj si i dehuri që humbet rrugën… Unë që ta dish ti dhe kushdo flet me këtë gjuhë, nuk jetoj as për të vjedhur as me te vjedhur, sepse kam shumë respekt për emrin që më kanë lënë të parët e mi dhe do t’u lë fëmijëve të mi!
Discussion about this post