Ministrja e Ekonomisë, Delina Ibrahimaj ka bërë me dije se 5 mijë lekë të reja do të jetë shpërblimi që do të marrin pensionistët për festat në fund të vitit.
Gjatë mbledhjes së Komisionit të Financave, ministrja tha se 34 milionë dollarë, të cilat janë siguruar tashmë, do të ndahen për të moshuarit. Ndër të tjera, Ibrahimaj tha se ky bonus nuk përkthet në rritje të pensioneve gjatë vitit të ardhshëm.
“Janë 660 mijë pensionistë në vend që do të përfitojnë bonusin e Vitit të Ri, por jo rritje të pensioneve gjatë vitit të ardhshëm”, ka thënë Ibrahimaj.
Edhe vitin e kaluar, pensionistët tanë përfituan vetëm 5 mijë lekë për fund vit, ndërsa sipas projekt buxhetit për vitin e ardhshëm, qeveria ka parashikuar në buxhet një fond prej 2.6 miliardë lekësh për indeksimin e pensioneve.
