Kylian Mbappe dhe Erling Haaland e kanë konfirmuar veten si e tashmja dhe e ardhmja e futbollit dhe veç kësaj vazhdojnë të thyejnë rekorde që në moshë të re me golat e shënuar.
Një legjendë e futbollit siç është Zlatan ibrahimoviç, e ka të qartë se çfarë i bën të dy lojtarët të veçantë dhe ka shprehur mendimin e tij si për yllin e PSG, ashtu edhe për atë të Dortmund.
“Kush më pëlqen mes të rinjve? Më pëlqejnë lojtarët elegantë, lojtarët më të kompletuar të mundshëm. Mendoj se Mbappé më kujton pak tek fenomeni Ronaldo, loja e tij është shumë elegante”, tha Ibra në një intervistë.
Megjithatë, ai nuk la pas sulmuesin e ri norvegjez që ka spikatur veçanërisht me golat e tij:
“Haaland gjithashtu është shumë i fortë, sepse është i fiksuar pas shënimit të golave. Unë shoh që është shumë inteligjent, vetëm dëshiron të shënojë dhe e di se si ta bëjë atë”. Ai nuk bën më shumë nga sa ka nevojë, prandaj fokusohet vetëm te goli. Ka disa futbollistë që mendojnë se mund të bëjnë më shumë nga c’janë të aftë të bëjnë dhe kjo nuk është inteligjente. Kurse te Haaland e shoh këtë inteligjencë. Ai e di që mund të shënojë gola dhe përpiqet të bëjë vetëm këtë”, tha Ibrahimoviç.
Discussion about this post