Kohët e fundit, besojmë keni dëgjuar për rrezikshmërinë e prezencës së aluminit në deodorante duke qenë se ky element është i rrezikshëm për lëkurën dhe shëndetin. Mjekë të ndryshëm kanë shprehur shqetësimin e tyre në lidhje më këtë faktor duke e menduar si shkaktar për shumë sëmundje, megjithëse duhet të themi se nuk ka prova shkencore deri tani.
Sidoqoftë, nëse jeni në kërkimt të alternativave zëvendësuese, mund të zgjidhni sodë buk. Hidheni duke fërkuar lehtë sipërfaqen e lëkurës në zonën e sqetullave. Kjo metodë është e thjeshtë, por jo shumë praktike, kështu që mënyra tjetër lidhet me krijimin e një lloj paste. Hapat:
– ¼ lugë gjelle me sodë buke me pak ujë të vakët derisa të formohet një teksturë si pastë (jo e hollë)
– aplikojeni në lëkurë me mollëzat e gishtave – prisni deri sa të thahet që mos të bëni pis rrobat.
Gjithashtu, të njëjtën gjë mund të bëni edhe nëse doni ta bashkoni sodën e bukës me gjalpë shea, me vaj/gjalpë kokosi ose me vajra esencialë për aromë të mirë.
Pavarësisht se cilën recetë zgjidhni, është e rëndësishme të kryeni fillimisht një provë duke aplikuar shumë pak sasi të krijuar për t’u siguruar që lëkura juaj nuk është e ndjeshme ndaj ndonjë prej përbërësve të përdorur.
Discussion about this post