EMRI dhe FOTO/ Identifikohet shqiptari i vrarë në Greqi. Trupi i gjakosur i shtrirë në rrugë

Ditën e sotme në Pire të Greqisë ka mbetur i vrarë me armë zjarri një 39-vjeçar.

Shqiptari, i cili punonte në një pikë parkimi u vra mizorisht nga një 68-vjeçar grek, një njeri që përshkruhet nga dëshmitarët, si një person me probleme psikologjike.

Sipas burimeve, ka mbetur i vrarë Brigen Limka 39 vjeç, nga Korça.

Brigeni kishte 3 fëmijë të mitur dhe sipas dëshmitarëve, nuk ka qenë kurrë problempër komunitetin.

Një dëshmitar okular i ngjarjes rrëfen se “e dëgjuam duke thirrur për ndihmë Brigenin, dhe më pas dëgjuam të shtënat. Ai thirri fëmijët nga parkingu ngjitur. Pati dy të shtëna. Njëra në kokë, tjetra në fytyrë. Viktima ka tre fëmijë të mitur. Ajo që pashë ishte tronditëse. Policia mbërriti pas dhjetë minutash. Autori ishte mbyllur në shtëpinë e tij”.

Po ashtu, një dëshmitar tjetër në vendngjarje tha “Pashë një burrë që gjuante me gjakftohtësi”, thotë një dëshmitar okular. “Pashë të shtënat nga dyqani im. Në goditjen e dytë viktima ishte shtrirë. Me sa di unë ata kanë pasur një debat më parë. Pas të shtënave, sulmuesi u ngjit në banesën e tij i pashqetësuar. Viktima kishte punuar këtu për shumë vite dhe ishte shumë i sjellshëm. Ai kërkonte t’u shërbente të gjithëve”.