‘Bomba’ paszgjedhore plasi! Veliaj po iu shpërndan shpërblimet të gjithëve atyre që e ndihmuan për fushatë. Këtë e tregojnë kontratat e majme që po lidh me oligarkët e tenderëve. Shpërblimi i radhë si është dhënë biznesmenit Shkëlqim Fusha.
Bëhet fjalë për prokurimin me objekt “Mirëmbajtja dhe Menaxhimi i Sheshit “Skëndërbej”. Më saktë bëhet fjalë për pastrimin e sheshit, shërbim që qytetarëve do t’u kushtojë 1 milionë euro. Përveç taksës së pastrimit që paguajnë veç dhe paratë e tenderëve që i jepen “Eco- Tirana”.
Sikur theksuam pak më lartë ajo që bie në sy në këtë tender është fituesi. Sepse gara për këtë prokurim është hapur që në fillim të muajit maj, pak ditë para zgjedhjeve. Sikur duket Fusha i ka dhënë mbështetje të madhe Veliaj gjatë zgjedhjeve dhe ky i fundit po ia kthen qokën.
Sepse këtë kontratë ia ka falur në tavolinë pa garë fare. Duket në dokumente se janë ofruar për këtë projekt edhe dy firma të tjera, me oferta më të lira. Por, Veliaj i ka skualifikuar që në fazën e parë, duke ia lënë gati fitoren pa konkurrencë “Fusha shpk”.
Në shkelje të hapur të ligjit Fusha futi në xhep 1 milionë euro për larë sheshin.
Në dokumentet thuhet se firma fituese do të jetë përgjegjëse për pastrimin e pllakave, mirëmbajtjen e bimëve, ndriçimin në shesh. Do të mirëmbajë shatërvanët edhe stolat. Duke theksuar se një herë në ditë pastrimi do të jetë me fshesë, ku theksohet se “Ky pastrim nuk është i një teknike të veçantë por thjesht është një pastrim me fshese nga punëtorët e përcaktuar, i cili përfshin të gjitha hapësirat e sheshit”.
Ndërsa një herë në javë do të jetë me ujë. Dhe një herë në muaj me spatula, duke e konsideruar si pastrim më të specializuar. Sipas dokumentit një herë në 6 muaj do pastrohen fugat tek gurët natyror. Gjithashtu, fusha do të merret edhe me menaxhimin e parkimit poshtë sheshit.
Të dhëna që shtojnë më shumë dyshimet mbi transparencën e këtij tenderi dhe shpenzimin e 1 milionë eurove.
Lexo edhe: U hap sa për fushatë/ Çfarë u bë me Piramidën, që kushtoi 18 milionë euro?
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post