Vijojnë tensionet në Radhimë. IKMT ka ndërhyrë duke kërkuar të shembë hotele e ndërtesa pa leje, për të cilën qytetarët deklarojnë se kanë dokumente të rregullta.
Të gjithë pronarët e godinës, hotel dhe kafe, kanë refuzuar që të dalin, teksa brenda në shtëpi është edhe një fëmijë 3 vjeç. Për mediat, ata janë shprehur se nuk do ta pranojnë shembjen duke kujtuar se shpesh herë vizitor kanë pasur edhe sekretarin e Përgjithshëm të Partisë Socialiste, Damian Gjiknurin dhe vëllanë e tij.
“Kemi 30 vite vjet, jam rrahur për PS, dërgo këta, punëtorët. Kemi 30 vite këtu, pse futesh në tokën time? Aty të rrinë, se aty do të ngjitemi dhe në, të gjithë të vdekur, 30 vite punë”, tha një qytetar. Nuk jemi serb ne o çuna, kemi 30 vite këtu. Po masakroni një familje. Është djali 3 vjeç aty, ishalla ua bëjnë dhe familjeve tua (u drejtohet policit). Dëgjojeni fëmijën, është 3 vjeç. Një gjë merreni vesh, ta dëgjojnë edhe oligarkët e Edi Ramës, vetëm po të jeni prej hekuri…Hajde na vrisni me radhë. 13 familje këtu, ç’do hamë ne? Pronën nuk e marrin dot ata! Kaq! Edhe para zgjedhjeve ka ardhur ai sekretari i Përgjithshëm (Damian Gjiknuri) bashkë me vëllanë këtu. Ore lokalin poshtë e kemi pa dokumenta, po jo shtëpitë. Ku jemi këtu? Jemi bërë si në Ukrainë,”-flasin pronarët.
Discussion about this post