Trajneri i skuadrës së Partizanit, Ilir Daja ka komplimentuar lojtarët pas fitores me Teutën duke theksuar se u shpërblye sakrifica e tyre si dhe ndikoi mentaliteti i fortë në këtë ndeshje.
“Ishte një fitore e vuajtur, fitore karakteri, sidomos me Teutën që mbrohet shumë mirë, tregon që lojtarët meritojnë gjithçka. Jam shumë i kënaqur nga paraqitja e lojtarëve. Kemi luajtur mirë dhe nuk kemi marrë rezultate, do isha dakord të vijojmë të luajmë keq dhe të marrim 3-pikëshin.
Sigurisht që t’i besosh manovrës është një gjë, por mbi të gjitha është karakteri dhe mentaliteti i lojtarëve për të shkuar drejt fitores. Mentaliteti, dëshira dhe sakrifica e lojtarëve për të shkuar drejt fitores janë kryesoret
Kemi reaguar pasi kemi pësuar në fazën e parë, folëm me lojtarët që nuk duhet ta çojmë veten në këtë pozicionin, pasi është e vështirë përmbysja e ndeshjes. Sot e përmbysëm, por është merita e lojtarëve”, tha Ilir Daja.
Discussion about this post