Sapo prokuroria kërkoi leje për arrestimin e ish-ministrit të Brendshëm, Saimir Tahiri, kryetari i opozitës i bëri thrrje Kuvendit të vepropjë brenda ditës.
“Cdo minutë vonesë shërben për shkatërrim provash. Shkarkimi i Tahirit vetëm hapi i parë”.
Dhe pas këtij momenti Basha deklaroi se qeverisja e Edi Ramës defakto ka rënë.
“Edi Rama është i vdekur politikisht. PS sot është në buzë të greminës nëse nuk shkëputet nga edi rama. Thirrja ime ëshët për largimin e Edi Ramës nga posti.
Kjo ishte dalja e dytë brenda dy orësh e kreut të opozitës. E meqë jenmi në rrethanat që ish-ministri i Brendshëm Saimir Tahiri di shumë, Basha foli për përpjekje të kryeministrit për marrëveshje me të.
“Saimir Tahiri disponon fakte, të dhëna, përgjime, dokumente dhe filmime të përfshirjes direkte të Edi Ramës në marrdhënien me bandat mafioze dhe klanet mafioze të Shqipërisë. Ndaj, Edi Rama e ka jetike marrëveshjen me Saimir Tahirin. As arrestimi i Saimir Tahirit, as procedimi i tij penal, as vënia para drejtësisë e peshqeve të tjerë të mëdhenj, nuk do të ketë sukses përsa kohë që, peshku më i madh, është ulur në karrigen e kryeministrit.
Basha përgëzoi prokurorinë për krime të rënda, shërbimin informativ të shtetit dhe partnerët e huaj për operacionin në Babicë të Vlorës
“…që pati sukses pikërisht për shkak të izolimit të segmenteve të korruptuara të policisë deri në castin e fundit, deri atëherë kur ata nuk mund të paralajmëronin dhe të pengonin këtë aksion të suksesshëm”.
Në këtë kuadër ai dënoi daljen e Haki Çakos para medias për shkarkimet në radhët e policisë në Elbasan, duke e lexuar si përpjkeje për të larguar vëmendjen nga Vlora.
“Ka kaluar një muaj që kur unë, PD dhe opozita dhe mbarë opinioni kemi denoncuar me revoltë të madhe ngjarjen e tmerrshme të Elbasanit, që tregoi me figurë sesi ky shtet, shteti i Edi Ramës, është vënë përfund nga mafia.
Haki Çako sot në mos duhet të ishte dorëhequr, duhet të ishte shkarkuar. Ai dhe kupola e policisë duhet të gjendeshin para drejtësisë”.
Por kjo nuk mund të ndodhë tha ai për sa kohë të gjitha lidhjet sipas tij të çojnë tek Saimir Tahiri, Fatmir Xhafa dhe Edi Rama. Ndërkaq kreu demokrat tha se 4 tonët e kapura në Vlorë janë vetëm maja e Ajsbergut.
“2.5 milionë rrënjë të deklaruara nga Policia e Shtetit përkthehen në 10 mijë tonë. Pra, 4 tonë nuk është as më pak, as më shumë se 2.5% e sasisë së drogës që menaxhon sot kupola e korruptuar e Policisë së Shtetit për llogari të Saimir Tahirit, të Agron Xhafajt dhe vëllait të tij, Ministrit të ri të Brendshëm, dhe natyrisht, për llogari të Edi Ramës, i cili është përfituesi i drejtpërdrejtë i qindra-milionë eurove të kësaj droge, të përdorura siç vërtetojnë dhe përgjimet italiane në zgjedhjet e 25 qershorit”.
Opozita shpreson tek ndërkombëtarët, sepse historia ka treguar se opeparcione më të suksesshme antimafia kanë vulën e tyre. vec shembulloit të freskët ën Vlorë, më i bujshmi është ai i Xibrakës.
“Prej më shumë se dy vitesh, Partia Demokratike dhe eksponentë të saj kanë denoncuar përfshirjen edhe të familjarëve të Edi Ramës, të cilët faktohen se kanë lëvizur me të njëjtat automjete që kanë lëvizur bosët e fabrikës së kokainës. Edi Rama ka heshtur”.
E vetmja rrugë tha Basha si kryetar i Frontiti të bashkuara të opozitës është largimi i Edi Ramës dhe krijimi i një qeverie antimafia me mbështetje të gjerë politike.
