Trazirat në ndeshjen Shqipëri-Poloni kanë sjellë një sërë reagimesh për tifozët e Kombëtares. Hedhja e sendeve në fushë ndaj lojtarëve polakë, pasi shënuan dhe po festonin, çoi në ndërprerjen për rreth 20 minuta të takimit.
Në lidhje me këtë situatë ka reaguar edhe Anita Wlodarczy, kampione dhe rekordmene në hedhjen me çekiç.
Në një postim në ‘Twitter’ ajo ka shprehur inatin ndaj tifozëve shqiptarë: “Sa keq që nuk jam në terren në Tiranë. Do të bombardoja me çekiçë tifozët shqiptarë për sjelljet e tyre të pashpresa”.
Ndeshja u mbyll me rezultatin 1-0 për polakët, duke na marrë kështu vendin e dytë në grup./K.T/Gijotina.com
