Kryeministri Edi Rama dhe presidenti turk Recep Tayyip Erdogan, të shoqëruar nga bashkëshortet janë të pranishëm në ceremoninë e inagurimit të xhamisë së Namazgjasë në Tiranë.
Të shumtë janë besimtarët myslimanë që janë të pranishëm në ceremoni.
Sipas agjendës, është parashikuar që në orën 16:30- 17:30, kryeministri Edi Rama dhe presidenti Recep Tayyip Erdogan do të inaugurojnë xhaminë e re.
Gjatë konferencës së përbashkët për media sot, Erdogan u shpreh se xhamia është një dhuratë nga Turqia për motrat dhe vëllezërit myslimanë në Shqipëri.
Presidenti turk mbërriti me eskortë tek xhamia ku u prit nga disa nxënës shkolle dhe kryeministri Rama së bashku me gruan e tij, Linda Rama.
Kryeministri Edi Rama mbajti fjalën në ceremoninë e inaugurimit të xhamisë së Namazgjasë.
“Fort i nderuar dhe shumë i shtrenjti miku im, presidenti Erdogan, shumë e nderuara zonja Erdogan, fortë të nderuar klerikë, të dashur miq, dhe fort të respektuar besimtar, ja ku erdhi dita e çeljes së këtij tempulli kaq i shumëpritur në rrjedhën e viteve”, tha kryeministri Rama.
“Xhamia e madhe është trashëgimi e një populli të tërë e cila mishëron atë që profeti ka thënë ‘unë jam lutja e Ibrahimit dhe ëndrra e nënës sime’. Frut i lutjeve dhe përpjekjeve dhe besimit islam i dashamirësisë së vëllezërve më çon në 14 nëntor të vitit 2014 kur fillesën e kësaj pune të bekuar e pata quajtur si çlirimi i Namazgjasë. Nuk e di se sa vullnet i mirë u desh për ta pastruar truallin e Namazgjasë të kthyer në një shesh pazari të imponuar në hapësirën e nevojës së besimtarëve myslimanë, për ta pasur tempullin e tyre”, deklaroi Rama.
“Ka qenë për mua çështje nderi dhe peshë e detyrës që xhamia e madhe, si një objekt i munguar kulti në këtë vend ku tempujt mishërojnë harmoninë fetare ndërsa njerëzit bashkëjetojnë, siç e ka thënë Papa Françesku në vizitën e tij, jo në harmoni por në vëllazëri shqiptare
Sot pas 10 vjetësh, xhamia e madhe hynë në sofrën e kësaj vëllazërie si ilustrim i shumë çkaje të lidhur me besimin. Në lidhje me këtë ajet të lartë dijetari ynë shpjegon se ashtu siç e kanë i konsideron librat të zbritur fjalë të zotit fjalë pa zë e pa gërma. Kjo xhami i jep domethënien e plotë katrorit të faltoreve të kryeqytetit duke e përmbyllur skidën e këtij flamuri, identitetin tonë mbështjellë brenda tij. Flamur bujar për njerëzimin”-u shpreh Rama.
“Është gëzim i përbashkët ashtu siç qe për të madhin Pejgamber, kjo ishte sprovë e qartë, shpëtim e paqe pastë Ibrahimi. Shoku im, në këtë shtëpinë tonë të vogël për përkushtimin tënd vëllazëror për t’iu përgjigjur komunitetit shqiptar i dha bashkësisë shqiptare mjetet e nevojshme për ndërtimin e xhamisë. Qoftë e mbarë edhe këmba e kryemyftiut të Tiranës i cili sot do të jetë kryekujdestari i këtij tempulli dhe iu priftë e mbara besimtarëve të Tiranës. Zoti e bekoftë Shqipërinë, do ta ngjisim patjetër flamurin e Skënderbeut dhe Ismail Qemalit në Shqipërinë tonë të lirë”, deklaroi Rama.
Ndërkohë në xhami dhe pranë saj janë mbledhur shumë besimtarë dhe qytetarë që ndjekin ceremoninë e inaugurimit.
Disa mijëra besimtarë ndodhen në xhaminë e Namazgjasë, e cila pavarësisht vonesave në vënien në funksion, konsiderohet si një moment i veccantë për të gjithë besimtarët e komunitetit mysliman në Shqipëri.
Gazment Teqja pritet të jetë imami i kësaj xhamie, ndërsa ajo do të menaxhohet nga një fondacion, ku do të jenë pjesë edhe investitori, pra shteti turk, dhe KMSH.
gijotina.com/
Discussion about this post