Gjatë konferencës në selinë blu për inceneratorët, kreu demokrat Lulzim Basha bëri një paralajmërim të fortë kur tha se duhen gjetur dhe arrestuar sa më parë personat e përfshirë në këtë skandal pasi mund të vriten.
Bashkë me ish-ministrin Lefter Koka, në këtë aferë korruptive ishin të përfshirë edhe Klodian Zoto edhe Stela Gugallja, të cilët janë në kërkim nga policia. I pyetur nëse PD ka të tjera dosje dhe denoncime për afera korruptive, Basha pohoi, por deklaroi se sot thelbi është mafia e inceneratorëve dhe se nuk do të devijojë nga kjo çështje.
“Përgjigjja është po, por nuk kam ndërmend t’i jap kënaqësinë askujt të devijojë nga thelbi, thelbi sot është mafia e inceneratorëve, që beteja jonë është e drejtë, që duhet vazhduar me arrestime të tjera. Që duhet vënë në ndjekje penale kryeministri, sekretari i përgjithshëm i kryeministrisë etj. Duhen gjetur këta që janë në kërkim përpara se t’i vrasë dikush, në veçanti kjo Stela, se ata të tjerët janë ustallarë. Të gjenden llogaritë jashtë shtetit, pagesat. Pa diskutim që ka afera të tjera, do vazhdojmë t’i diskutojmë dhe aferat e tjera, por sot do bëj gjithë përpjekjet e mia që t’ju jap fuqi ju si gazetarë dhe mediave tuaja që të mos i ikin as sot, as nesër, as pasnesër këtij skandali, kësaj mega aferë që do të kishte çuar 4-5 drejtues të qeverisë në pranga”, tha kreu i PD.
Discussion about this post