Komisioni Hetimor për çështjen e inceneratorëve zhvilloi sot seancën e radhës, ku u bënë me dije edhe datat e thirrjes së dëshmitarëve, mes të cilëve është dhe emri i Ramës.
Në një konferencë për shtyp nga Kryesia e Kuvendit, kryetarja e këtij komisioni, Jorida Tabaku shprehu bindjen se PD do t’i shkojë deri në fund kësaj çështje, ndërsa shtoi se kryeministri Rama ka konfirmuar pjesëmarrjen e tij për të dëshmuar në komision.
“Do të bëjmë vizita në të tre inceneratorët. Ai i Elbasanit është një skenë krimi tashmë. Te Fieri dhe Tirana kemi shumë për të gjetur. Nga e hëna do të fillojmë thirrjen e dëshmitarëve me grupin e parë, me mediat specialistët. Dhe javën e dytë kemi personal politikë. Kryeministri Edi Rama ka konfirmuar pjesëmarrjen. Jam këtu për tu treguar angazhimin maksimal të PD. E di që ka qenë një rrugë e gjatë. 6 vite për të nxjerrë në dritë një aferë. Sot nuk kam asnjë pengesë. PD është e angazhuar t’i shkojë deri në fund kësaj afere, deri te Edi Rama. PS u përpoq në shumë raste të jetë mburojë politike, të pengojë punën e komisionit, por nuk ia doli”, tha Tabaku.
Discussion about this post