Gjykata e Posaçme, ka shtyrë dje seancën gjyqësore të shqyrtimit në themel të të pandehurve për inceneratorin e Tiranës. Bëhet me dije se shkak është bërë mungesa e prokurorit, ndërsa seanca e radhës do të zhvillohet në datën 31 janar ora 14:00. 12 të pandehurit për aferën korruptive të inceneratorit të Tiranës, janë ish-ministri i Mjedisit, Lefter Koka, Pëllumb Abeshi, Erjon Murataj, Bledar Karoli, Taulant Tusha, Namik Simixhiu, Etleva Kondi, Alba Thoma, Valbona Ballgjini, Sidita Kopliku, Jetmir Llapaj e Silena Tola, të cilët akuzohen se në bashkëpunim me njëri-tjetrin dhe ish-ministrin Koka, kanë shpërdoruar detyrën.
SPAK i akuzon 12 të pandehurit për veprime të kundërligjshme në procedurën e lidhjes së kontratës së koncesionit të gushtit 2017, me objekt “Ndërtim landfilli, inceneratori dhe rehabilitimi i vend depozitimeve ekzistuese, Tiranë ”. Ndërkohë, Mirel Mërtiri dhe Klodian Zoto, të akuzuar si organizatorët e aferës së inceneratorëve të Elbasanit, Fierit e Tiranës, janë aktualisht në arrati pasi kërkohen nga drejtësia shqiptare për korruptimin e një numri zyrtarësh të lartë, përfshirë ish-ministrin Lefter Koka dhe ish-deputetin Alqi Bllako.
Discussion about this post