Prokuroria e Posaçme ka dhënë pretencën duke kërkuar dënimin me 10 vite burg për ish-ministrin Lefter Koka në lidhje me inceneratorin e Fierit dhe 7 vjet burg për ish-sekretarin e Ministrisë së Mjedisit, Alqi Bllako.
Të dyve iu është pranuar gjykimi i shkurtuar dhe nëse do shpallen fajtorë, ata do të dënohen përkatësisht me 6.8 dhe 4.8 vjet burg.
SPAK akuzon Kokën e Bllakon për korrupsioni, shpërdorim detyre dhe pastrim parash.
Ndërkohë për Klodian Zoton është kërkuar dënim me 12 vjet burg, por për shkak të gjykimit të shkurtuar përfiton ulje dënimi me 1/3.
Nëse gjykata pranon kërkesën e prokurorisë, atëherë Zoto do të dënohet me 8 vjet burg, Kurse për të pandehurin tjetër, Arben Dervishaj është kërkuar 4 vjet dhe me gjykim të shkurtuar ky dënim i ulet në 2,8 vjet burg.
Përveç dy ish-zyrtarëve të lartë, SPAK ka marrë të pandehur edhe ish-zyrttarin e FSHF, Arben Dervishaj, në cilësinë e mbikëqyrësit të punimeve të ndërtimit të inceneratorit të Fierit. Nga hetimet ka rezultuar se, Dervishaj ka miratuar dhe ka dorëzuar në institucionet shtetërore raportet për punime të pa kryera nga Klodian Zoto për ndërtimin e inceneratorit të Fierit vlera e të cilave përllogaritet në rreth 4 milionë euro.
Të pandehur janë marrë edhe anëtarë të komisionit të vlertësimit të ofertave për shpërdorim detyre dhe disa administratorë të kompnaive që kanë kryer punime për ndërtimin e inceneratorit që akuzohen se kanë krijuar skema fiktive duke dorëzuar fatura fiktive për punime të pa kryera.
Seanca e radhës do të mbahet më 19 qershor.
Dënimet e kërkuara nga SPAK
Lefter Koka- nga 10 vite burg në 6 vite e 8 muaj
Alqi Bllako – nga 7 vite burg në 4 vite e 8 muaj
Klodian Zoto – nga 12 vite burg në 8 vite
Arben Dervishaj – nga 4 vite burg në 2 vite e 8 muaj
Discussion about this post