Ndeshja midis Shqipërisë dhe Polonisë që u luajt këtë të martë në ‘Air Albania’ u detyrua të ndërpritej për rreth 20 minuta, pasi tifozët ‘Kuqezi’ sulmuan me sende lojtarët polakë në momentin që këta të fundit shënuar golin që i dha fitoren 0-1.
Në lidhje me këtë ngjarje të shëmtuar ka ardhur edhe reagimi i FIFA-s, e cila dënon veprimin në fjalë dhe ka thënë se sapo të hetohet e gjithë ngjarja do të vendosen edhe dënimet.
“FIFA aktualisht po analizon raportet e dërguara mbrëmjen e djeshme mbi sfidat eliminatore të Botërorit në mënyrë që të marrë vendimit më të përshtatshme. FIFA dënon me forcë incidentet në sfidat Angli-Hungari dhe Shqipëri-Poloni dhe do të donte të deklaronte se ky qëndrim është i vendosur në refuzimin e çdo forme të dhunës, si dhe çdo lloj diskriminimi ose abuzimi. FIFA ka një qëndrim shumë të qartë, zero tolerancë ndaj sjelljeve të tilla të neveritshme në futboll’’,-shkruhet në reagimin e organit më të lartë të futbollit në botë.
Teksa nga ky episod edhe pse i provokuar nga lojtarët polak, Shqipëria rrezikon të gjobitet me rreth 200 mijë euro dhe me 4 ndeshje pa tifozë./K.T/Gijotina.com
