Leo Messi ka mbërritur në Barcelonë këtë të hënë, pas triumfit dramatik të PSG-së kundër Lille. Argjentinasi zbarkoi në kryeqytetin katalanas pasdite vonë, i shoqëruar nga bashkëshortja e tij, Antonela Roccuzzo.
Sulmuesi ka përfituar nga dy ditët pushim që iu ka dhënë Christophe Galtier për të fluturuar në atë që ishte shtëpia e tij për shumë vite. Si mund të ndodhte ndryshe, argjentinasi nuk humbi kohë.
Pasi la bagazhet të sigurta, çifti u takua me Jordi Alba, Sergio Busquets, si dhe Romarey Ventura dhe Elena Galera, partneret e tyre përkatëse. Në darkë nuk kanë munguar as Pepe Costa dhe bashkëshortja.
E ngarkuara për ‘zbulimin’ e kësaj darke nuk ka qenë askush tjetër, veç Antonela Roccuzzo. Përmes llogarisë së saj në Instagram, gruaja e Messit ka publikuar një fotografi në të cilën shihen katër çiftet në derën e ‘Estimar’, një restoranti i njohur në kryeqytetin katalanas.
“Darkë e bukur vogël me miqtë”, ka shkruar Roccuzzo, në një publikim që në pak minuta tashmë grumbullon mijëra “like” dhe shumë komente të tjera.
Discussion about this post