Gjykata e Tiranës ka shtyrë seancën e planifikuar për vendimin e statutit të Partisë Demokratike të 17 korrikut të vitit 2021. Përfaqësuesi i PD, Indrit Sefa, i cili është edhe kandidat për zgjedhjet e 6 marsit në Bashkinë e Lushnjes ishte ai që kërkoi që seanca të shtyhet, pasi ishte i zënë me fushatën elektorale.
“Ne lidhje me kërkesën e gjykuar sot dt. 15.02.2022 ora 13:30, pranë gjyqtare z. Blerina Muça, u vendos: shtyrja e seancës më datë 18.03.2022 ora 14:00“, thuhet në vendim.
Seanca e radhës u vendos të zhvillohet me datë 18 shkurt në orën 14:00. Indrit Sefa është zgjedhur nga Partia Demokratike si kandidati që do të garojë në zgjedhjet lokale të 6 marsit, që do të zhvillohen në 6 bashki të vendit.
Gjykata e Tiranës caktoi 15 shkurtin si datën për shqyrtimin e kërkesës së Partisë Demokratike për ndryshimin e statusit të partisë në Kuvendin e 17 korrikut 2021. Kreu i PD, Lulzim Basha propozoi 11 ndryshime, duke përfshirë zgjerimin e kryesisë me të tjerë anëtarë dhe shtimin e numrit të sekretarëve. Kryedemokrati krijoi edhe Këshillin Koordinues të Qarkut për organizimet elektorale, ndërsa nuk pati asnjë propozim në lidhje me mandatin e kryetarit.
Discussion about this post