Inspektorati Kombëtar i Mbrojtjes së Territorit ka ndëshkuar me 10 milionë lekë gjobë kompaninë “Gjikuria.”
Sipas njoftimit, gjatë inspektimit në Dhërmi, u konstatua një vend depozitim mbetjesh inerte dhe dhera të dala nga gërmimet në krye të fshatit. Rezultoi se kompania kishte kryer shkelje sepse nuk ishte e pajisur me Leje Mjedisi të tipit B shtojca 5.2.
Për shkak të këtyre shkeljeve, kompanisë i është vendosur gjoba 10 milionë lekë si dhe është pezulluar aktiviteti deri në pajisjen me lejen përkatëse, si dhe ka detyrimin për të rehabilituar zonën ku janë kryer depozitimet e inerteve, brenda një afati të arsyeshëm.
Sakaq, vlen të theksohet se kompania “Gjikuria”, njihet gjerësisht për afërsinë e saj me qeverinë dhe institucionet publike. Ndër vite, kjo kompani ka qenë përfituese e dhjetëra miliona eurove përmes tenderave publikë, koncesioneve dhe projekteve të mëdha të infrastrukturës të rrugëve dhe PPP-ve të rëndësishme, shpesh e akuzuar për rrugë të privilegjuara kontraktimi.
Discussion about this post