Varianti i ri “Delta” ka prekur edhe fëmijët e moshave të ndryshme, duke sjellë kështu rritjen e rasteve në këtë kategori. Nga ana tjetër, hapja e kopshteve, çerdheve dhe shkollave kanë ndikuar në këtë rritje e numrit të infektimeve.
Mjekja pediatre, Gjerogjina Kuli, gjatë konferencës së komitetit teknik, tregoi për fëmijët e infektuar me covid dhe si po e përballojnë ato betejën me sëmundjen.
“Edhe te ne është pasqyruar rritja e rasteve pozitive në këtë valë të re të COVID-it. Kemi një rritje të ritmit të shtrimeve në fëmijë të formave të mesme të moderuara, por fatmirësisht situata klinike është në kontroll.
Fëmijët reanimohen brenda disa ditësh dhe na kanë dhënë mundësi të mos kalojmë kapacitetet spitalore. Fatmirësisht shifrat e fatalitetit mbeten po ato që kemi dhënë, s’kemi asnjë rast deri më tani me komplikacione post-COVID”, tha mjekja.
Sipas Kulit, ka një rritje të infektimit të fëmijëve, por nuk paraqesin komplikacione të shumta.
Po ashtu, mjekja nënvizoi se fëmijët deri më tani, nuk kanë paraqitur komplikacione post-COVID.
