Inspektorati Shtetëror Shëndetësor në Gjirokastër ka vendosur mbylljen e një klase të tetë, në shkollën 9-vjeçare të Këlcyrës. Shkak për këtë është bërë infektimi i të paktën 4 nxënësve me virusin Covid-19. Klasa mësohet se do të qëndrojë e mbyllur për 14 ditë, në mënyrë që zinxhiri i infektimeve në këtë shkollë të ndërpritet.
Ky nuk është rasti i parë që klasa të ndryshme mbyllen për shkak të rasteve pozitive me Covid-19 nga nxënësit e shkollave. Një klasë në gjimnazin e Këlcyrës është mbyllur për shkak të infektimit me koronavirus të disa nxënësve, disa kohë më parë, teksa një tjetër klasë në Gjirokastër në shkollën në shkollën 9-vjeçare “Avni Rustemi”, u karantinua për 14 ditë, pasi tetë nxënës rezultuan të infektuar.
Të tilla raste janë shënuar në qytete të ndryshme të vendit, ku për shkak të infektimeve janë detyruar që klasat të mbyllen për 14 ditë, në mënyrë që të evitohet infektimi masiv, ndonëse Ministria e Shëndetësisë urdhëroi që të gjithë mësuesit të vaksinohet dhe të ruhen masat antiCovid-19 në institucionet arsimore në vend.
Discussion about this post