Një infermiere nga Shtetet e Bashkuara të Amerikës dhe fëmija i saj u rrëmbyen në shtetin e Haitit. Lajmin e njoftoi sot një organizatë humanitare, fetare në atë vend.
“Ne mund të konfirmojmë se Alix Dorshenville, gruaja e menaxherit tonë dhe fëmija i tyre u rrëmbyen të enjten në mëngjes, 27 korrik, nga kampi ynë pranë Port-au-Prince,” tha El Roi Haiti në faqen e saj të internetit.
Në njoftim nuk specifikohet gjinia dhe mosha e fëmijës.
“Ne jemi në dijeni të raporteve për rrëmbimin e dy shtetasve amerikanë në Haiti”, tha një zëdhënës i Departamentit të Shtetit. “Ne jemi në kontakt të rregullt me autoritetet Haitiane dhe do të vazhdojmë të bashkëpunojmë me ta dhe me agjencitë qeveritare të SHBA,” shtoi ai.
Discussion about this post