“Jam i gatshëm të vij dhe të bëj burg në Shqipëri”, kjo është kërkesa e biznesmenit Davide Pecoreli që inskenoi vdekjen në Pukë dhe më pas u zbulua se ishte gjallë dhe u justifikua se sipërmarrja e tij falimentoi.
Pecorelli ka deklaruar së fundmi se në Shqipëri ka miq dhe se do të donte që burgun ta vuante atje.
“Jam i gatshëm të vij dhe të bëj burg në Shqipëri. Dua të kthehem, aty kam shumë miq. Nëse dënimi është i drejtë, unë do të paguaj për atë që kam bërë” tha ai.
Në intervistën e dhënë për mediat italiane, ai ka kërkuar falje, për gjithë historinë e zhdukjes së tij në Pukë, që ka vënë në lëvizje gjithë hetuesit. Ndërsa tregon se u ështt mirënjohës priftërinjve që e ndihmuan pasi në një moment të jetës, gjatë kësaj arratisjeje nga realiteti ai ka tentuar vetëvrasjesn. “Po, meqë ra fjala, tashmë i kam kërkuar falje të gjithëve në Shqipëri, përfshirë kryetarin e bashkisë Pukë dhe në çdo rast të gjithë komunitetit. Fatkeqësisht kam bërë disa gabime: siç dihet tashmë kur mbërrita në Tiranë në janar, po kaloja një moment shumë të vështirë në jetën time. U përpoqa të bëja vetëvrasje dhe ai prifti që takova rastësisht më shpëtoi. Atëherë ju e dini historinë, periudha në bashkësinë e priftërinjve në Medjugorje ishte thelbësore: Unë do t’u jem mirënjohës atyre përgjithmonë”.
Por cfarë ka në plan që të bëjë tani? “Po, siç e kam theksuar disa herë: në këtë drejtim synimi im është të themeloj një shoqatë për të mbështetur ata që, si në rastin tim, po përballen me krizë për shkak të punës”. Por si është e vërteta e thesarit që ai tha se ka zbuluar? “Mund të ritheksoj vetëm se kam parë dy arkat me monedhat e arit në Montecristo. Tani jam me familjen, me 4 fëmijët e mi. Do të përpiqem t’i rikthehem jetës së përditshme”.
Discussion about this post