“Instagrami” i Luiz Ejllit ka përplasur Kiarën me familjarët e këngëtarit. Pak orë pasi moderatorja hapi një profil të ri në emër të partnerit të saj, kunati i Luizit, Sokol Tahiri ka publikuar një thirrje për fansat e tij që të mos i bëjnë follow.
Ai ka publikuar një video ku Luizi flet me Fotininë dhe ajo e pyet nëse do ia lërë “Instagramin” e tij Kiarës.
Luizi thotë se faqen e tij do ta lërë në menaxhimin personave që merren me atë punë dhe jo Kiarës.
“Uu lutemi fansave të vërtetë të Luizit që të MOS BËJNË FOLLOW asnjë ‘Instagrami’ që është hapur në emër të Luizit, pavarësisht se nga kush hapen. Ata që hapin ‘Instagram’ në emër të Luizit nuk janë dashamirës të tij.
Ju lutemi, duroni edhe një javë sa të dalë Luizi që ta lëmë atë të marrë vetë vendimet për ‘Instagramin’ e tij personal. Qëllimi ynë nuk është të dëmtojmë askënd, i vetmi qëllim i yni është të mbrojmë të drejtat e Luizit në lidhje me ‘Instagramin’ e tij. Ju faleminderit për mirëkuptimin e mbështetjen tuaj”, shkruan Tahiri.
Nga ana tjetër, miqtë e këngëtarit kanë publikuar një video tjetër, ku duket Luizi pak ditë më parë në “BBV” dhe thotë që “Instagramin” e tij do ta menaxhojë Kiara.
Ajo që të lë të dyshosh te ky reagim i kunatit të Luiz Ejllit është edhe fakti i gjuhës së përdorur në reagimin e tij. Nëse vihen re reagimet e tij në Facebook, gjuha e shkruar prej tij është shumë larg gjuhës letrare. Ndërkohë, te reagimi që ka bërë në Instagram kundër profilit të Luiz Ejllit gjuha letrare është përdorur me kujdes deri te shenjat e pikësimit. Kjo ngre shumë dyshime se kush e ka shkruar këtë mesazh. Në rrjete sociale ka akuza të forta se ky instagram po përdoret nga persona të tjerë që në fakt gjatë gjithë kohës e kanë sulmuar Luizin.
Discussion about this post