Partia Demokratike e drejtuar nga Sali Berisha denoncoi sot aferën e inceneratorëve, ndërsa theksoi se Integrated Energy ka përfituar 244 pagesa prej 16 institucioneve shtetërore, qendrore dhe lokale, nga data 4 Prill 2018 deri në 23 Gusht 2023, në vlerën totale prej 65.9 miliard Lekësh.
Genta Vangjeli, Zëdhënëse për Antikorrupsionin në PD, tha se këto pagesa janë bërë për depozitim mbetjesh, një shërbim që ndërkohë u takon bashkive përkatëse.
Sipas saj, pagatorët e Klodian Zotos janë:
Bashkia Vore – 11 transaksione
Bashkia Kavaja – 22 transaksione
Bashkia Tirane -153 transaksione
Agjencia e Mbrojtjes se Konsumatorit – 3 transaksione
Ministria e Kultures- 13 transaksione
Gjykata e Larte – 4 transaksione
Bashkia Durres – 2 transaksione
Qendra e Formimit Profesional Nr.1 Tiranë
Aparati i Drejtorisë së Policisë së Shtetit
Agjencia e Kthimit dhe Kompensimit të Pronave
INUK
Drejtoria e informacionit te Klasifikuar
Aparati Qendror INSTAT
Spitali Distrofik
Drejt.Pergj.Tatimeve
“Kompania e Zotos është gjithashtu pjesë në tenderin e 2020 për ndërtimin e landfillit të Vlorës, me vlerë 9.8 milion euro i financuar me ndërmjetësimin e Agjencisë Gjermane për Zhvillim.
Ky projekt ka mbetur pezull pasi kompania e Klodian Zotos Integrated Technology Services është nën sekuestro preventive me urdhër të SPAK.
Klodian Zoto në Inceneratorin e Tiranës, Klodian Zoto në Inc e Elbasanit, Klodian Zoto në Inc e Fierit, Klodian Zoto në landfillin e Vlorës, Klodian Zoto në Bashkinë Durrës, Klodian Zoto në Bashkinë Vorë, Klodian Zoto në Bashkinë Kavajë, në INUK, Gjykatë të Lartë, Tatime, Spitale etj… Pyeteni veten: cfarë do të thotë kjo?
Kjo do të thotë që vetëm njeriu më i fuqishëm, që ka pushtet mbi ҫdo institucion të këtij vendi, mund të “bekojë” shtrirjen e këtij shërbimi në të gjitha qytetet, institucionet, përfshirë këtu dhe ato të drejtësisë.
Ky njeri quhet Edi Rama.
Paratë e vjedhura kërkojani atij. Klodian Zoto është vetëm një pupac me rrogë të lartë”, tha Vangjeli.
Discussion about this post