Ditët e fundit të merkatos, janë shumë të zjarrta, me klubet e ndryshme të Europës e botës, që kërkojnë të përforcohen në maksimum, para datës 31 gusht, kur është afati final, për të kryer tratativat.
Një nga objektivat e kësaj merkatoje të Interit padyshim që ishte dhe “bomberi” i Udinese, portugezi Beto, i cili shkëlqeu sezonin e shkuar me bardhezinjtë e tij, duke e vënë veten nën shënjestrën e klubeve të ndryshme europiane.
Sipas raportimeve më të fundit nga gazetari i mirënjohur i futbollit, Fabrizio Romano, Evertoni kanë bërë një ofertë për portugezin, ofertë që kap shifrën e 26 milionë eurove, mirëpo duket se kaq nuk mjaftojnë dhe Udinese kërkon plot 35 milionë.
Ndërkaq, kujtojmë se sezonin e shkuar, Beto zbriti në fushë plot 33 herë për “bardhezinjtë” e Udinese, duke arritur të shënojë 10 gola, si dhe të dhurojë 1 asistim në ndihmë të shokëve të tij të skuadrës.
Discussion about this post