Pesë derbi në një sezon. Rekord për Milanin e Interit, që për herë të parë në historinë e tyre do të përballen pesë herë brenda një sezoni të vetëm.
Dy ndeshjeve të kampionatit dhe finales së Superkupës së Italisë që u luajt në Riad të Arabisë Saudite, u shtohen edhe dy gjysmëfinalet, ende për t’u luajtur, në UEFA Champions League gjatë muajit maj, që do të përbëjnë një precedent spektakolar.
Duhet thënë ama, që “Derby della Madonnina” nuk ka vendosur rekord europian, për sa i përket sfidës më të përsëritur brenda një sezoni.
Ky nder i përket “El Clasico-s” mes Real Madrid e Barcelona, të cilat në sezonin 2012-2013, luajtën plot 6 herë, dy ndeshje në Superkupën e Spanjës, dy ndeshje në La Liga si dhe dy takime në Kupën e Mbretit (1 fitore Barcelona, 2 barazime, 3 fitore Real Madrid).
Discussion about this post